كركهرك
 

 

شعرزیرازتجربیات شعری اینجانب دربیش ازیک دهه پیش می باشد که بتازگی درمیان دستنوشته های آن دوره آن رایافته ام وبه دوستان پیشکش می نمایم.

**زه رده مه رگ **

 

دلم گیریاس

گه ن جوریگیش دلم گیریاس

چمان مینیًٌٍ

له به رزی خوه م

                   که فتومه و خوار.

شه و چو شیشه ی ده وات شکیاس

وه پیه نی ی دلما رشیاس.

 

شه و چو جامی له شه و که ران

منیش ته نیا ترین سوقرات

                              له ی ولاته

ک ئاماده س ئه لقورنیده ی.

 

 

دلم گیریاس

گه ن جوریگیش دلم گیریاس.

هه یه مه نیه

تاچو مه سیح

               سه لیب وه کوول

له روه پالی

ئی شه وه یلی  بی چراخه

هیلی وه ره و خوه ر و ئاسو

                         له شوونی خوه م بکیشم.

 

 

بانه و هانام

ئـــــــــــای هه رچی

گه لای زه ردی

             له دار که نیای رو وه مه رگه.

بانه و هانام

ئه ی هساره یلی ری کاوه.

بانه و هانام

مه لوچگه یلی بی لانه ی

                         لیزنه گرتی.

له ی زووره ی زمسانی پیره

دلم گیریاس.

 

بانه وهانام

ئه ی ئیوه هه رچگی چه می

                        پرخروش وپرهاواره.

ئه ی ئیوه هه رچی واران و

ئه ور و گرمه و

             بلاچه هره.

ئه ی ئیوه هه رچی کوه ی

                            سه ر به رزه

 

 

دلم گیریاس له ی ته نیایه

دور له یارم

له نازارم.

 

دلم گیریاس وته نیا

دلم خوشه وه ئنتزار

وه ئنتزاری یاره گه م

                     نازاره گه م.

 

ئه گه چی شه وچو شیشه ی شکیاله مه رگه و

له سه ری سه راسه ری دلم

په خشه و بوه.

 

ئه گه ر چی شه و

جامی تیه لی شه وکه رانه و

منیش ته نیا ترین سوقرات.

 

ئه مما چه وه ری هاتنی

                        هاتنیگم

پرخروش تر له لافاوی

                   وه هاراروی.

پرپرشنگ تر له چه و بازی ی

                  هساره یلی شه وی تاوسان.

پرجیک وجاک ترله هه رچی

                             مه لوچگه

وه ختی له باخه یل رووژه و بود.

 

پرخشه تر

له شکیانی

تیری پیشتی هه رچی گلای

                          زه رده مه رگه

له تالانی خوه راوای سه ردی پاییزی.

 

بیلا بزانی ئی شه وه

ک چه وه یلی دلداره گه م

چونای دلی ده لیا که وه.

سرمه دانی ئی چه وه یله

                          ئاسمانه.

ئه ر خوه ر ئلای

ئوه یشه که وه.

 

 

 

 

محمدحسنی نیا – سه راوله 21/09/77

 

 

 

 

                    

 

 

 

 

 

 

 

پيام هاي ديگران ()        link        ۱۳۸۸/۱/۱٩ - محمد حسنی نیا